काठमाडौं । जुम्लाको तिला गाउँपालिका–७ पोखरीस्थित गोठीगाउँमा आगलागी भएको छ । मंगलबार साँझबाट शुरु भएको आगोलागीले ३० वटा घर जलेर नष्ट भइसकेको प्रहरीले जनाएको छ । साँझको समयमा भएका कारण मानवीय क्षति भने हुन नपाएको बताइएको छ ।
पानीको समस्या हुने यस स्थानमा आगो नियन्त्रणमा समेत समस्या आएको छ । जिल्ला प्रहरी कार्यालय जुम्लाका अनुसार पानीको समस्याका कारण आगो पुर्ण नियन्त्रणमा लिन सकिएको छैन ।
यो स्थान सदरमुकाम खलंगाबाट ३५ किलोमिटर दूरीमा पर्छ । आगलागी नियन्त्रण गर्न आज समेत स्थानिय र प्रहरी बिहानैदेखि खटिएको कार्यालयले जनाएको छ । यी घरमा पालिएका ठूलो संख्यामा पशु चौपायाको ज्यान गएको छ । आगोलागीको कारण भने नखुलेको प्रहरीको भनाई छ ।