टिपरको ठक्करबाट एकै परिवारका तीन जनाको मृत्यु

सिरहा । सिरहाको लहान–ठाडी सडकखण्डमा टिपरको ठक्करबाट एकै परिवारका तीन जनाको मृत्यु भएको छ । प्रहरीका अनुसार लहान नगरपालिका–३ स्थित सडकमा टिपरले मोटरसाइकललाई ठक्कर दिँदा एकै परिवारका तीन जनाको मृत्यु भएको हो । एक जना घाइते छन् ।

स १क २६१ नम्बरको टिपरले प्रदेश २–०१–००२ प २६८२ नम्बरको मोटरसाइकललाई ठक्कर दिँदा मोटरसाइकलमा सवार सप्तरीको बलान विहुल गाउँपालिका–२ दिघियाका एकै परिवारका तीनै जनाको मृत्यु भएको हो । प्रहरीका अनुसार मृत्यु हुनेमा ६० वर्षीय मोतीलाल यादव, उनका भतिजा ३० वर्षीय रामकुमार र ८ वर्षीय नाति अभिषेक छन् । ठक्कर दिने टिपर र चालकलाई प्रंहरीले नियन्त्रणमा लिएको छ ।