दुबई । दुबईमा जारी टी १० लिगमा नेपाली फास्ट बलर सोमपाल कामीले आज उत्कृष्ट प्रदर्शन गरेका छन् । मराठा अरेबियन्सका लागि खेलेका उनले एकै ओभरमा दुई विकेट झार्दै आफ्नो प्रभाव देखाएका हुन् । उनलाई टीमले लगातार छैटौं खेलमा अवसर दिएको छ । सोमपालले बिहीबार डेक्कन ग्लाडिएटर्सविरुद्ध २ विकेट लिएका हुन् ।
२ ओभर बलिङ गरेका उनले १२ रन खर्चेर २ विकेट लिए । सोमपालले आफ्नो पहिलो ओभरमा मात्र २ रन खर्चेर २ विकेट झारे । उनले ग्लाडिएटर्सका प्रशान्त गुप्ता र यासिम कलिमको ६४ रनको साझेदारी तोडिदिएका थिए । आफ्नो दोस्रो ओभरमा भने सोमपालले १० रन खर्चिए । सोमपालले टी १० लिगमा ६ खेलबाट ३ विकेट लिइसकेका छन् ।