१ जेठ, काठमाडौं । अख्तियार दुरुपयोग अनुसन्धान आयोगले कांग्रेस सांसद मोहन बस्नेतसहित १६ जना विरुद्ध मुद्दा दायर गरेको छ । सो मुद्दामा आरोपीबाट ३ अर्ब २१ करोड ८३ लाख ७७ हजार १८२ रुपैयाँ बिगो दावि गरिएको छ ।
यसरी मुद्दा दायर हुनेमा तत्कालिन सूचना तथा सञ्चारमन्त्री तथा वर्तमान सांसद मोहन बहादुर बस्नेत, नेपाल दूरसञ्चार प्राधिकरणका तत्कालिन अध्यक्ष दिगम्बर झा र पुरुषोत्मक खनाल, प्राधिकरणका तत्कालिन सदस्य धनराज ज्ञवाली र टीका प्रसाद उप्रेती, प्राधिकरणका निर्देशक विजय कुमार राय, उपनिर्देशक रेवती राम पन्थ, उपनिर्देशक सुरेश बस्नेत, उपनिर्देशक हिरण्य प्रसाद बस्ताकोटी र अच्युतानन्द मिश्र रहेका छन् । निर्देशकहरु सुरेन्द्र लाल हाडा, दिपेश आचार्य र उपनिर्देशक सन्दिप अधिकारी समेत यस मुद्दामा मुछिएका छन् ।
टेरामस्क सिस्टम खरीदमा योग्यता नपुग्ने प्रस्तावदाताको गलत प्रतिवेदन तयारी पारी छनोट गराएर अनियमितता गरेको आरोप अख्तियारले लगाएको छ । उनीहरुविरुद्ध बिहीबार विशेष अदालतमा मुद्दा दायर भएको हो ।