टेस्ट राष्ट्र वेस्ट इण्डिजको टोली नेपाल भ्रमणमा आउने

काठमाडौं । टेस्ट टोली वेस्टइन्डिजको ए टोली नेपालसँग पाँच टी–२० खेलका लागि काठमाडौं आउने भएको छ । नेपाल क्रिकेट संघ (क्यान)ले वेस्टइन्डिज पाँच टी–२० खेल खेल्न नेपाल आउने बताएको छ । नेपाल र वेस्टइन्डिजबीचको खेल अप्रिल २५ देखि मे ५ सम्म हुने भएको छ । वेस्टइन्डिज पहिलो पटक नेपाल भ्रमणमा आउन लागेको हो । नेपालले टी–२० विश्वकप जुनमा हुनुअघि अन्तिम तयारीका रुपमा वेस्टइन्डिजसँग सिरिज खेल्ने भएको हो ।