काठमाडौं । निर्वाचन आयोगले दिएको समय सीमा भित्र ठूला राजनीतिक दलहरुले आज समानुपातिक तर्फको बन्द सूची आयोगमा बुझाउने भएका छन् । यसअघि आइतबार दिनभर जसो पार्टीहरुका आन्तरिक बैठक चलेका थिए । ती बैठकले नेताहरुको नाम काटछाँछ गर्दै अन्तिम रुप दिएका थिए । सोही अनुसार आज नेपाली कांग्रेस, नेकपा एमाले, एकीकृत माओवादीसहितका दलले आज बन्दसूची बुझाउने कार्यक्रम छ ।
आयोगले आइतबार र सोमबारका लागि बन्दसूची बुझाउन समय दिएको छ। आइतबार प्रतिनिधि सभातर्फ नेपाल समावेशी पार्टी र तराई मधेश लोकतान्त्रिक पार्टीले मात्रै बन्दसूची बुझाएका थिए। बाँकी दलहरूले आज बन्दसूची बुझाउनेछन्।
नेकपा एमालेले आइतबार सचिवालय बैठक गरी प्रतिनिधि सभातर्फ ११० र प्रदेश सभातर्फ २२० जना समानुपातिक उम्मेदवार छनौट गरी बन्दसूची तयार गरेको थियो। माओवादीले महासचिव देव गुरूङको नेतृत्वमा कार्यदल गठन गरी समानुपातिक उम्मेदवार तयार गर्दैछ भने कांग्रेसले पनि समानुपातिक उम्मेदवार तयार गर्दैछ। मंसिर ४ मा प्रतिनिधि सभा र प्रदेश सभा चुनाव हुँदैछ