काठमाडौं । सरकारले अनसनरत डाक्टर गोविन्द केसीसँग वार्ता नगर्ने मुड बनाएको छ । सरकारले डा. केसीबारे पहिलो पटक प्रतिक्रिया दिँदै अहिले अनसन बस्न उपयुक्त समय नभएको प्रतिक्रिया दिएको छ । बिहीबार मन्त्रिपरिषद्का निर्णयहरु सार्वजनिक गर्दै परराष्ट्रमन्त्री तथा सरकारका प्रवक्ता प्रदीप ज्ञवालीले कोरोना महामारीको समयमा अनसन बस्नु उपयुक्त नहुने उल्लेख गरे ।
डा. केसी पछिल्लो दुई सातायता अनसानमा छन् । उनको स्वास्थ्य अवस्था बिग्रने क्रममा रहेको छ । प्रवक्ता ज्ञवालीले एकातिर डाक्टर, सुरक्षाकर्मी कोभिडबाट नागरिकलाई कसरी जोगाउन सकिन्छ भनेर लागिरहेको असमान्य अवस्थामा अनसन, सत्याग्रह, धर्ना, हड्ताल सुहाउँदो विषय नभएको बताए । उनले उनले डाक्टर केसीका अधिकांश माग कार्यान्वयनमा गइसकेको र बाँकी रहेका विषयमा पछि पनि छलफल गर्न सकिने उल्लेख गरे ।