तनहुँमा ट्रक र मोटरसाइकल ठोक्किए, दुई जनाको मृत्यु

तनङँ । तनहुँमा ट्रक र मोटरसाइकल ठोक्किएर भएको दुर्घटनामा दुई जनाको मृत्यु भएको छ । पृथ्वी राजमार्गको दमौली डुम्रे सडक खण्डमा गतराति भएको दुर्घटनामा मोटरसाइकलमा सवार दुबै जनाको मृत्यु भएको हो । ज्यान गुमाउनेमा मोटरसाइकल चालक तनहुँ व्यास नगरपालिका–५ का २२ वर्षीय अनिल मगर र २१ वर्षीय विकास विक रहेका जिल्ला प्रहरी कार्यालय तनहुँले जानकारी गराएको छ । लु १ ख ९८३२ नम्बरको ट्रक र ग १८ प ९२२५ नम्बरको मोटरसाइकल बन्दिपुर गाउँपालिका–१ बेलभ्ञ्याङमा ठोक्किएका हुन् ।