न्युयोर्क
नेपाली तेक्वान्दो खेलाडी राजु नगरकोटीले अमेरिकाको फ्लोरीडामा यही सेप्टेम्बर ११-१२ तारिखमा मा सम्पन्न “फ्लोरिडा ओपन अन्तर्राष्ट्रिय खुल्ला अनलाइन तेक्वाण्दो प्रतिस्पर्धा २०२१” मा स्वर्ण पदक जित्न सफल भएका छन्
उनले पुरुष ४० वर्ष माथिको उमेर समुहमा अमेरिका, फ़्रान्स, अष्ट्रेलिया, स्विट्ज़रलैंड, फ़िलीपीन्स, स्लोभेनिया लगायत अन्य ७ राष्ट्रका खेलाडीहरुलाई हराउँदै स्वर्ण पदक जितेका हुन् ।
त्यसैगरी उक्त स्पर्धामा नेपाली तेक्वान्दो खेलाडीद्वयकल्पना कार्की र कृशा कार्कीले अमेरिका, अष्ट्रालिया र स्विटजरल्यान्डका खेलाडीहरुलाई हराउँदै रजत पदक हात पारेका छन् । कल्पना कार्की र कृशा कार्की आमा छोरी हुन् ।
मास्टर राजु नगरकोटी तिन दशकदेखि निरन्तर रुपमा नेपाल, मकाऊ र अमेरिकामा खेलाडी, प्रशिक्षक र निर्णायकको भुमिका निर्वाह गर्दै आईरहेका छन् ।