काठमाडौं । काठमाडौंमा जारी थ्री नेसन्स कप फुटबल प्रतियोगिताको लीग चरणको अन्तिम खेलमा आज नेपाल र बंगलादेश भिड्दैछन् । यसै खेलबाट फाइनल पुग्ने दुई टोलीको टुंगो लाग्नेछ । पहिलो खेल जितिसकेका कारण बंगलादेश आज हारेको अवस्थामा पनि फाइनल पुग्ने छ ।
नेपाल र कीर्गिस्तानबीच बराबरी नतिजा आएका कारण आज नेपाल दुई गोलभन्दा बढी अन्तरमा पराजित भएमा नेपालको फाइनल यात्रा सकिने भएको छ । खेल साँझ साढे ५ बजेबाट दशरथ रंगशालामा हुनेछ । त्रिदेशीय कपको पहिलो खेलमा बंगलादेशले कीर्गिस्तानलाई १ गोल अन्तरले हराएको हो । फाइनल सोमबार हुने भएको छ ।