धनुषामा जन्ती बोकेको जिप दुर्घटना, कम्तिमा ५ जनाको मृत्यु

जनकपुर । धनुषामा जन्ती बोकेको बा १ ज ८२९३ नम्बरको जीप दुर्घटनामा कम्तिमा ५ जनाको मृत्यु भएको छ । ९ जना घाइते भएका छन् । महोत्तरीको पिपरा गाउँपालिका गमहरियाका जन्ती इटहरीबाट फर्किदै गरेको जिप शनिबार बिहान साढे ४ बजे पूर्वपश्चिम राजमार्गअन्तर्गत धनुषाको बिरेन्द्र बजारमा दुर्घटनामा परेको हो । प्रहरीका अनुसार मृत्यु हुनेमा तीन महिला, एक बालक र एक पुरुष छन् । मृतकको पहिचान खुलिनसकेको सञ्चारमाध्यमले जनाएका छन् ।