धादिङ । धादिङमा बाटो खन्ने क्रममा डोजर पुरिएको छ । जिल्लाको रुबी भ्यालीमा डोजरसहित तीन जना बेपत्ता भएको प्रहरीलाई उदृत गर्दै स्थानीय संचारमाध्यमले जनाएका छन् । रुबीभ्याली गाउँपालिका–१ मा बाटो खन्ने क्रममा आज बिहान पहिरो खस्दा डोजरसहित तीन जना बेपत्ता भएको खबर आएको हो ।
जिल्ला प्रहरी कार्यालय धादिङका अनुसार घटना स्थल पैदल दूरी ४ घण्टा पर पर्छ । बिहान साढे आठ बजे प्रहरी समक्ष पहिरोमा मानिस पुगेको खबर पुगेको थियो । प्रहरीले उद्धार टोली खटाएको छ । चालक, सहचालक र बाटो समितिका एक जना पुरिएको स्थानीयले बताएका छन् । घटनाबारे विस्तृत विवरण भने आइसकेको छैन ।