काठमाडौं । बार्सिलोनाले स्पेनी ला लिगामा शनिबार फेरि अर्को हार बेहोरेको छ । नु क्याम्पमा बार्सिलोना भिल्लारियलको हातबाट ५–३ ले पराजित भयो । यो नतिजासँगै शीर्ष स्थानमा रहेको रियल म्याड्रिडसँग दस अंकको दूरीमा रह्यो । यस नतिजासँगै प्रशिक्षक जाभीले यस सिजनको अन्त्यमा क्लब छाड्ने पनि घोषणा गरेका छन् । उनले सन् २०२१ को नोभेम्बरमा बार्सिलोना सम्हाल्न सुरु गरेका थिए ।
उनले क्लब छाड्ने बताउँदै टिममा अर्को सिजनका लागि परिवर्तत आवश्यक रहेको पनि दाबी गरे । शनिबारका अन्य खेलमा रियलले लास पाल्मासलाई २–१ ले हरायो भने रियल बेटिस मार्लोकामाथि १–० ले विजयी रह्यो । यस्तै रियल सोसिडाड र रायो भाल्कानोले गोलरहित बराबरी खेले । रियल ५४ अंकमा शीर्ष स्थानमा छ । बार्सिलोनाबाट स्टार लियोनल मेसी बाहिरिएसँगै यो क्लवले राम्रो प्रदर्शन दोहोर्याउन सकेको छैन ।