काठमाडौं । स्थानीय तह निर्वाचनको दौरान अहिले मौन अवधी जारी छ । तर, नेताहरुले जानेर वा नजानेर सामाजिक संजालमा बढी आचारसंहित उल्लंघनका घटना भएका छन् । निर्वाचन आयोगले नेकपा (एमाले)का उपमहासचिव पृथ्वीसुब्बा गुरुङलाई स्पष्टीकरण सोधेको छ । उपमहासचिव गुरुङले मौन अवधिमा आचारसंहिता उल्लंघन हुने गरी क्रियाकलाप गरेको विषयमा २४ घण्टे स्पष्टीकरण सोधेको आयोगको भनाई छ ।
एमाले उम्मेदवारलाई मत दिएर जिताउन फेसबुकबाट बुधबार बिहान भिडियो पोष्ट गरी आचारसंहिता विपरीत अपिल गरेको विषयमा आयोगले गुरुङलाई स्पष्टीकरण सोधेको हो । आयोगले वीरगन्ज महानगरपालिकाका मेयरका उम्मेदवार विजय सरावगीलाई समेत स्पष्टीकरण सोधेको छ । उनीविरुद्ध मल खरीदमा लेनदेन गरेको भन्दै उजुरी परेको छ । उता, पर्यटन मन्त्री प्रेम आले समेत आचारसंहिता उल्लघन गर्ने सूचीमा परेका छन् । उनले भड्काउ अभिव्यक्ति दिएको आरोप लागेको छ ।