काठमाडौं । नेपालमा कोरोना भाइरसको संक्रमणबाट थप ६१ जनाको मृत्यु भएको छ । स्वास्थ्य तथा जनसंख्या मन्त्रालयले सार्वजनिक गरेको विवरण अनुसार २४ घण्टा भित्र उक्त संख्यामा मानवीय क्षति भएको हो । अब नेपालमा मृत्यु हुनेको कुल संख्या ८३६६ पुगेको छ ।
नेपालमा मृत्युदर १.६ प्रतिशत रहेको छ । निको हुने दर भने ८६.९ प्रतिशत छ । अन्य बाँकी सक्रिय संक्रमित हुन् । पछिल्लो २४ घण्टामा ३ हजार ३८४ जनामा कोरोना संक्रमण पुष्टी भएको छ । यो अवधिमा ६ हजार २९५ जनाले कोरोनालाई जितेका छन् ।