काठमाडौं । नेपालमा कोरोना भाइरसको संक्रमणदर उल्लेख्य घटेको छ । पछिल्लो २४ घण्टामा देशभर थप ६ सय १३ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
यससँगै अब नेपालमा संक्रमितको संख्या २ लाख ५६ हजार ५ सय ९२ पुगेको छ। पछिल्लो २४ घण्टामा ७३९ जनाले भने कोरोनालाई जित्न सफल भएका छन् । नेपालमा कोरोनालाई जित्नेको संख्या २ लाख ४७ हजार ४ सय पुगेको छ।
पछिल्लो २४ घण्टामा कोरोना भाइरसको संक्रमणबाट थप ५ जनाको मृत्यु भएको मन्त्रालयको तथ्यांकमा उल्लेख छ । अब नेपालमा कोरोनाबाट मृत्यु हुनेको संख्या एक हजार ८ सय ८ पुगेको छ। पछिल्लो २४ घण्टामा ५५१० जनामा कोरोना परीक्षण गरिएको हो ।