काठमाडौं । नेपालमा पछिल्लो २४ घण्टामा थप ८४३ जनामा कोरोना भाइरसको संक्रमण पुष्टी भएको छ । यो ६ हजार ४ जना मानिसमा गरिएको परीक्षणमा पुष्टी भएको स्वास्थ्य तथा जनसंख्या मन्त्रालयले जनाएको छ । २४ घन्टामा ५३३३ जनामा पिसिआर गर्दा ७६८ र ६७१ मा एन्टिजेन परीक्षण गर्दा ७५ लाई कोरोना पुष्टि भएको हो। अब नेपालमा कोरोना संक्रमितको संख्या कुल दुई लाख ८३ हजार ६५८ पुगेको छ।
पछिल्लो २४ घन्टामा २२६ जना निको भएर फर्किएका छन्। योसहित कोरोनाबाट निको हुनेको संख्या दुई लाख ७५ हजार ३८ पुगेको छ। पछिल्लो २४ घण्टामा कोरोनाको संक्रमणबाट थप पाँच जनाले ज्यान समेत गुमाएका छन्। हालसम्म कोरोनाबाट मृत्यु हुनेको संख्या ३०७५ पुगेको छ।