न्युयोर्क
नेपाली कँराते खेलाडी तथा गिनिज बुक अफ वर्ल्ड रेकर्डमा ८ रेकर्ड राखिसकेका उज्ज्वल ठकुरीले आफ्नो नाममा ९ औं रेकर्ड पनि कायम राखेका छन् । यसपटक उनले पाकिस्तानका विश्व कीर्तिमानधारी मोहम्मद रसिदले राखेको कीर्तिमानलाई तोडेका हुन् ।
रसिद ३० पटक बिभिन्न विधाका विश्व किर्तिमानधारी उत्कृष्ट खेलाडी हुन् । ठकुरीले हालै भारतको ओलम्पिक तेक्वान्दो खेलाडीको विश्व कीर्तिमानलाई भंग गरेको केही समयमै पुन: पाकिस्तानका शीर्ष खेलाडीको किर्तिमानलाई भंग गरेपछि थप महत्व बढेको छ । रसिद पाकिस्तान एकडेमी अफ मार्शल आर्टका प्रमुख हुन् ।
ठकुरीले ९ औं उपाधि ५ केजी वजन खुट्टाले बोकेर ४ फिट माथि १ मिनेटमा ८३ चोटी घुँडा प्रहार पुरा गरी हाँसिल गरेका हुन् ।
यसपटक ठकुरीले यो कीर्तिमान १ मिनेटमा ८३ चोटी घुडा प्रहार गरेर आफ्नो नाममा दर्ता गरे । अर्थात् प्रति सेकेन्ड भन्दा छिटो ५ केजी वजन खुट्टाले बोकेर घुडा प्रहार गरेका थिए ।
सो उपाधि ३ वर्षअघि भारतको तेक्वान्दो खेलाडी बडे साईले १ मिनेटमा ५५ चोटी प्रहार गरि हासिल गरेका थिए भने ठकुरीले त्यो कीर्तिमान फेब्रुअरी २९ ,२०२० मा ७१ चोटी प्रहार गरि उनको किर्तिमान प्राप्त गरेका थिए । तर पुनः पाकिस्तानको खेलाडीले मार्च १,२०२० मा ७८ चोटी प्रहार गरि ठकुरीको उपाधि खोसेका थिए । यसपटक ठकुरीले यो कीर्तिमान १ मिनेटमा ८३ चोटी घुडा प्रहार गरेर आफ्नो नाममा दर्ता गरे । अर्थात् प्रति सेकेन्ड भन्दा छिटो ५ केजी वजन खुट्टाले बोकेर घुडा प्रहार गरेका थिए ।
त्यस्तै दोस्रो ५ केजी वजन खुट्टाले बोकेर ४ फिट माथि किकप्याडमा समाउन लगाएर ३ मिनेट भित्र १५७ घुडा प्रहार समाप्त गरी नयाँ बिश्व कीर्तिमान हात पारेका छन् । सोही कीर्तिमान भारतको बडे साइले ३ मिनेटमा ५ केजी बोकेर ८७ चोटी प्रहार गरेका थिए भने मोहम्मद रसिदले ३ मिनेटमा १५२ चोटी प्रहार गरेका थिए । भारत र पाकिस्तानको एकै चोटी दुवै रेकर्ड तोड्न सफल भएका हुन।
रेकर्डका विषयमा गम्भिर हुँदै ठकुरीले भने; “खेलाडले देशको लागि पसिना बगाउँछ, मेरो मन, वचन र कर्ममा ९ ओटा रेकर्ड राख्दै गर्दासम्म नेपाल र नेपालित्व बाहेक केही छैन” ।