नयाँ दिल्ली । नेपाली मिडफिल्डर प्रकाश बुढाथोकीले भारतको ए डिभिजन लिग फुटबल प्रतियोगिता आइलिगमा डेब्यू गरेका छन्। आज उनी मणिपुरस्थित नेरोका एफसीको पहिलो रोजाईको खेलाडीका रुपमा मैदानमा उत्रिए । उनले ५२ मिनेट खेल्ने अवसर पाए । त्यसपछि भने उनी बाहिरिए । उनले बुधबार चर्चिल ब्रदर्श गोवाविरुद्ध डेब्युको अवसर पाएका हुन् ।
नेरोकाले ५२ औं मिनेटमा उनको स्थानमा अकबर खानलाई मैदान पठायो । यद्दपी आजको खेलमा उनको टोली भने १ गोल अन्तरले हारेको छ । उनको टीम आइलिग अंक तालिकाको दशौं स्थानमा रहेको छ । प्रकाशसँगै लिगमा नेपालका गोलकिपर किरणकुमार लिम्बू र फरवार्ड अभिषेक रिजाल समेत खेलिरहेका छन् ।
किरण पञ्जावका गोलकिपर र कप्तान समेत हुन् । उनले आफुलाई प्रमाणित गरिसकेका छन् । अभिषेक आइजोल टीममा छन् । उनलाई भने खेल्ने अवसर प्राप्त भइसकेको छैन । यी खेलाडीले व्यवसायीक रुपमा राम्रो आम्दानी प्राप्त गर्छन् ।