काठमाडौं । नेपाली राष्ट्रिय फुटबल टिमका फरवार्ड अभिषेक रिजाल भारतको आइलिग क्लब आइजोल एफसीमा आबद्ध भएसँगै भारतबाट व्यवसायिक फुटबल खेल्ने तेस्रो खेलाडी बन्न सफल भएका छन् । अभिषेक २०२०\२१ सिजनको बाँकी खेल खेल्न आबद्ध भएका छन् ।
अभिषेक यसअघि भारतकै मोहमेडन स्पोर्टिङ् क्लबमा थिए । तर, क्लवले उनको स्थानमा बंगलादेशका खेलाडी भित्राएपछि उनले खेल्ने मौका पाएनन् । अब भने उनलाई आइजोलले लिएको छ । यो क्लव मिजोरम राज्यको राजधानीको क्लब हो ।
यो सिजन राष्ट्रिय टिमका गोलकिपर किरण चेमजोङ पञ्जावमा आवद्ध भएका छन् । मिडफिल्डर प्रकास बुढाथोकी नेरोकाबाट खेलिरहेका छन् । लिगमा आइजोल २ जित र २ बराबरी खेल्दै ८ अंकका साथ चौथो स्थानमा छ ।