काठमाडौं । नेपाल–अमेरिका अन्तर्राष्ट्रिय चलचित्र महोत्सवको छैटौं संस्करण, २०२३ को जुन २२ बाट सुरु हुने भएको छ । अमेरिकाको मेरिल्याण्ड राज्यमा स्थापित गैरनाफामुलक संस्था नेपाल–अमेरिका फिल्म सोसाइटीले सन् २०१७ देखि प्रत्येक वर्ष महोत्सव आयोजना गर्दै आइरहेको छ । महोत्सव जुन २५ सम्म चल्नेछ। वासिङ्टन डिसी, महानगर क्षेत्रमा केन्द्रित रहेर आयोजना गरिने छैठौं महोत्सवमा सहभागिताका लागि आवेदन पनि खुल्ला गरिएको छ ।
फिचर फिल्म, वृत्तचित्र, छोटा चलचित्र, एनिमेशनका साथै सबै विधाका फिल्महरु महोत्सवमा प्रदर्शन गरिनेछन् । नेपाल बाहेक अमेरिका, दक्षिण एसिया सहित विभिन्न देशका स्वतन्त्र फिल्महरु यस महोत्सवको उच्च प्राथमिकतामा पर्नेछन् । वासिङ्टन डीसी, मेरिल्याण्ड र भर्जिनियाका स्थानीय चलचित्रकर्मीलाई प्रोत्साहन गर्न ‘डीएमभी क्लोजअप’ अन्तर्गत प्रदर्शन हुनेछन् ।
स्थापना कालदेखि ुग्लोबल पिस फिल्म फेस्टिबल’ फ्लोरिडासँगको सहकार्यमा प्रदर्शन हुँदै आएका फिल्म यो वर्ष पनि समावेश हुने बताइएको छ । कोरोना महामारीको समयमा हाइब्रिड शैली९अनलाइन र भौतिक०मा आयोजना भएको यो महोत्सव भौतिक रुपमा आयोजना गर्न आयोजक टिम उत्साहित छन् ।
‘महोत्सवले सम्पुर्ण दर्शक तथा सहभागिहरुमा मनोरञ्जन र ज्ञान आदानप्रदानको फरक अनुभूति गराउने छ,’ महोत्सवका निर्देशक युवाकर राजकर्णिकारले बताएका छन् । महोत्सवमा प्रदर्शन गरिएका फिल्ममध्येबाट उत्कृष्ट फिल्महरुलाई विभिन्न अवार्डबाट पुरस्कृत गरिनेछ । त्यस्तै चलचित्र, संस्कृति र नयाँ प्रविधिबारे ‘प्यानल’ छलफल तथा कार्यशाला समेत आयोजना हुनेछ ।