नेपाल भूकम्प : ज्यान गुमाउनेको संख्या १२९

काठमाडौं । जाजरकोट र रुकुममा भूकम्पले ठूलो मानवीय क्षति गरेको छ । नेपाल प्रहरीले सार्वजनिक गरेको विवरण अनुसार अहिलेसम्म १२९ जनाको मृत्यु भएको पुष्टी भएको छ । जसमध्ये जाजरकोटमा ९२ र रुकुम पश्चिममा ३७ जनाको ज्यान गएको छ । अहिलेसम्म १४० जना घाइते भएको पुष्टी भएको छ । भूकम्प प्रभावित क्षेत्रमा अहिले उद्दार र राहत केन्द्रित गरिएको छ । प्रधानमन्त्री पुष्प कमल दाहालसहितको टोली फिल्डमा खटिएको छ ।