पर्वत । पर्वतमा सडक निर्माणमा खटिएका इन्जिनियरसहित दुई जना सवार रहेको गाडी बाढीले बगाएको छ। मध्यपहाडी लोकमार्गमा पर्ने सदरमुकाम कुस्मा नगरपालिका दोबिल्लामा रहेको सुन्दरे खोलामा आएको बाढीले गएराति साढे १० बजे गाडी बगाउँदा त्यसमा सबार दुई जना बेपत्ता भएको जिल्ला प्रहरी कार्यालय पर्वतलाई उदृत गर्दै नेपाली संचारमाध्यमले जनाएका छन् ।
बाढीले बगाउँदा निर्माण कम्पनी लामा कन्ट्रक्सनको उक्त गाडीमा इन्जिनियर राजाराम आचार्य र गाडीका चालक बेपत्ता भएका छन् । बेपत्ता गाडीको नम्बर भने खुलेको छैन। बाढी पहिरोको कारण अहिले मध्यपहाडी लोकमार्गको पर्वत खण्ड अवरुद्ध भएको प्रहरीले जनाएको छ । बाढीका कारण खोला किनारका चारवटा पसल समेत बगेका छन् ।