काठमाडौं । पाल्पाको रिब्दीकोट गाउँपालिका १ ख्याहामा स्थानीय १८ वर्षकी पद्मा विश्वकर्मा मंगलबार बेलुका मृत अवस्थामा फेला परेकी छन् । बिहान ९ बजेतिर नुहाउन गएकी उनी दिउँसोसम्म घर नफर्किएपछि खोजी गर्ने क्रममा घरदेखि १ किलोमिटर पर कराम्दी भन्ने स्थानमा मृत अवस्थामा भेटिएको वडाध्यक्ष चिरञ्जीवि पोखरेलले जानकारी दिए ।
घटनास्थल पुगेका जिल्ला प्रहरी कार्यालय पाल्पाका प्रहरी प्रवक्ता डीएसपी सुगन्ध श्रेष्ठले धारितो हतियार प्रयोग भएको देखिएकाले हत्याको आशंका रहेको बताए । घटनाबारे थप अनुसन्धान भइरहेको उनले बताए ।