काठमाडौं । प्रधानमन्त्री केपी शर्मा ओलीले दाहाल–नेपाल समूहलाई शरीरमा आउने पिलोसँग तुलना गरेका छन् । बिहीबार सिन्धुलीमा सुनकोसी–मरिन डाइभर्सन बहुउद्देश्यीय आयोजनाको शिलान्यास गर्दै प्रधानमन्त्री ओलीले दाहाल–नेपालप्रति कटाक्ष गर्दै केही पिलो उछिट्टिएरर, निचोरिएर जाँदैमा शरिरको तौल नघट्ने बताए ।
प्रधानमन्त्री ओलीले आफूलाई मधेस विरोधी भनेर मधेस पस्न रोक लगाए पनि पानी पस्न चाहिँ नरोक्न आग्रह गरे । आफूलाई मधेस विरोधी भन्दै मधेस पस्न नदिने भनिएकोमा आक्रोश पोख्दै उनले ओलीलाई पस्न नदिए पनि तपाईंहरुका खेतमा पानी चाहिँ नरोक्न आग्रह गरे ।
प्रधानमन्त्री ओलीले सुनकोशी–मरिन डाइभर्सन आयोजनका मुख्य २ वटा उद्देश्य रहेपनि यो बहुआयामीक आयोजना भएको प्रस्ट पारे ।