काठमाडौं । युरोपियन च्याम्पियन्स लिगअन्तर्गत क्वार्टरफाइनलको पहिलो लेगमा स्पेनिस क्लब बार्सिलोनाले फ्रेञ्च क्लब पिएसजीलाई हराएको छ । बुधबार राति सम्पन्न खेलमा बार्सिलोनाले ३–२ गोलको जित हात पारेको हो । खेलको ३७ मिनेटमा राफिन्हाले गोल गर्दै बार्सिलोनालाई अग्रता दिलाए । ४८ मिनेटमा पिएसजीका लागि डेम्बेलेले बराबरी गोल गरे ।
५१ मिनेटम भिटिन्हाले गोल गरेपछि पिएसजीले खेलमा अग्रता लिन सफल भयो । ६२ मिनेटमा राफिन्हाले व्यक्तिगत तथा टिमका लागि दोस्रो गोल गर्दा खेल २–२ को बराबरीमा पुग्यो । ७७ मिनेटमा क्रिस्टिनसन अर्को गोल गरेपछि बार्सिलोना विजयी भएको हो । दोस्रो लेग अप्रिल १६ मा बार्सिलोनाको मैदानमा हुनेछ।