पूर्वराजाले महानगरको जरिवाना सम्बन्धी पत्र बुझ्न नमानेपछि…

काठमाडौं । पूर्वराजा ज्ञानेन्द्र शाहले काठमाडौं महानगरपालिकाले पठाएको जरिवाना पत्र बुझ्न अस्वीकार गरेसँगै महानगरको टोली फिर्ता भएको छ । शुक्रबार तीनकुनेमा पूर्वराजाको समर्थनमा भएको आन्दोलनका क्रममा भएको फोहोर र तोडफोडको मूल्याङ्कन गरी महानगरपालिकाले ७ लाख ९३ हजार जरिवाना तोकेर पत्र काटेको छ । उक्त पत्र लिएर निर्मल निवास पुगेको महानगरपालिकाको टोलीलाई त्यहाँबाट फिर्ता पठाइएको हो । अब पत्र हुलाकमार्फत पठाउने तयारी महानगरले गरेको हो ।