काठमाडौं । जापानकी १४ वर्षीया कोको योशिजावाले वुमेन्स स्ट्रिट स्केटबोर्डमा स्वर्ण जितेकी छिन् । यससँगै जापान पेरिस ओलम्पिकमा आइतबार पदक तालिकाको शीर्ष स्थानमा उक्लिएको छ । जापान चार स्वर्ण, दुई रजत र एक कांस्यसहित शीर्ष स्थानमा रहेको छ । योसिजावालाई आफ्नै देशकी लिज आकामालाई बलियो चुनौती पेस गरे पनि निर्णायक मोडमा सकिनन् । जापानको अर्को स्वर्ण फेन्सिङबाट आएको हो । इन्डिभ्युजल ऐपीमा कोकी कानोले स्वर्ण जिते ।
अस्ट्रेलिया समान चार स्वर्णसहित दोस्रो स्थानमा छ । उसले दुई रजत पनि जितेको छ । अमेरिकाले भने समग्रमा बढी पदक जितेको छ । अमेरिकाको तीन स्वर्ण, छ रजत र तीन कांस्य गरेर कुल १२ पदक रहेको छ । आयोजक फ्रान्स, दक्षिण कोरिया र चीनको तीन–तीन स्वर्ण रहेको छ । अहिलेसम्म कुल २२ देशले पदक जितेका छन् । भारतले एक पदक भित्राउन सफल भएको छ ।