विराटनगर । प्रदेश १ को मूख्यमन्त्री पदमा नेकपा एकीकृत समाजवादीका नेता राजेन्द्र राईले दावी पेश गरेका छन् । उनले ४९ सासदको हस्ताक्षरसहित मूख्यमन्त्री पदमा दावि पेश गरेका हुन् । यसअघि मूख्यमन्त्री आचार्यले आजै राजिनामा दिएका थिए । उनी अल्पमतमा परेसँगै राजिनामा गरेका हुन् । यससँगै अब सबै प्रदेशबाट समेत एमाले भने सत्ताच्यूत भएको छ ।
आचार्यको राजिनामा पछि प्रदेश प्रमुख सोमनाथ अधिकारी प्यासीले सरकार गठनको आह्वान गरेका थिए । राईलाई एकीकृत समाजवादीसँगै नेपाली कांग्रेस, नेकपा माओवादी केन्द्र र जनता समाजवादी पार्टीका सांसदको समर्थन रहेको छ । प्रदेश १ मा सरकार गठन गर्न ४७ सांसदको हस्ताक्षर चाहिन्छ । गठबन्धनले सरकारको नेतृत्वमा दाबी पेस गरेपछि मंगलबार दिउँसो शपथग्रहण गराउने कार्यक्रम छ ।