काठमाडौं । प्रधानमन्त्री शेरबहादुर देउवा तीन दिने भारत भ्रमण पुरा गरि काठमाडौं फिर्ता भएका छन् । आइतबार बिहान नयाँदिल्लीबाट बनारस पुगेका उनी बनारसमा धार्मिक यात्रामा व्यस्त रहे । उनले ललिताघाट, पशुपतिनाथ मन्दिर परिसरमा वृद्धाश्रमको शिलान्यास गरे । त्यहाँ उनले कालभैरव मन्दिर र बाबा विश्वनाथको मन्दिरमा पूजा आरधना गरेका थिए ।
उनलाई बनारसमा उत्तर प्रदेश राज्यका मूख्यमन्त्री योगी आदित्यनाथसहितको टीमले भब्य स्वागत गरेको थियो । उनी बनारसबाट नयाँदिल्ली फर्किएका थिए । त्यहाँबाट उनी काठमाडौं फर्किएका छन् । भारतको औपचारिक भ्रमणका लागि प्रधानमन्त्री देउवा गत शुक्रबार नयाँदिल्ली गएका हुन् । शनिबार देउवाले समकक्षी मोदीसँग भेटवार्ता गरेका थिए ।