प्रोस्टेट क्यान्सरका बिरामीहरुका लागि केही राहत मिल्ने समाचार आएको छ । आठ हप्ता लामो समय गलाएर गरिंदै आएको प्रोस्टेट क्यान्सरको उपचार अब ५ दिनमा रेडियो थेरापीको माध्यमबाटै हुने भएको छ । गत १६ तारिख सोमबार “यानसेट मेडिकल जर्नल” मा प्रकासित एक रिपोर्टका अनुसार उपचार शुरु गरेको पाँच दिन भित्र प्रोस्टेट क्यान्सरको सफल उपचार सम्पन्न गरी सकिने नयाँ बिधि पत्ता लगाईएको छ । उपचारको यो बिधिमा पहिलाको उपचार पद्धती भन्दा कम साईड ईफेक्ट्स हुने समेत प्रष्ट पारिएको छ । कुल ८ सय ४७ जना प्रोस्टेट क्यान्सरका बिरामीहरुमा बेलायतस्थित रोयल मार्सडेन हस्पिटलका बिज्ञहरुले अनुसन्धान गरी ५ दिनमा रोगको निदान गर्न सकिने निष्कर्ष निकालिएको हो । परिक्षण उपचारार्थ अनुसन्धानमा संलग्न गरिएका कुल ८ सय ४७ बिरामी मध्ये अाधा बिरामीहरुलाई ३९ दिनसम्म गरिने उपचार बिधि अपनाईएको थियो भने बाँकी आधाको संख्यामा रहेका बिरामीहरुलाई एस् बि आर टि नामक शक्तिशाली रेडिएसन् प्रयोग गरेर ५ दिनमा नै उपचार गरिएको थियो । अनुसन्धानकर्ता बैज्ञाननिकहरुले उपचार गरिएका ति सबै बिरामीहरुलाई आगामी ५ बर्षसम्म कुन चाँहि उपचार पद्दति भरपर्दो र दिर्घकालिन हुने भनेर लगातार मुल्याङ्कन गरी रहने समेत बताएका छन् ।
पुरुषमा मात्र हुने प्रोस्टेट ओखर जत्रो ग्ल्यान्डमा ट्युमर पलाउनुलाई प्रोस्टेट क्यान्सरको रुपमा चिनिने गरिन्छ । बेलायतमा हरेक बर्ष झन्डै १२ हजार र अमेरिकामा २६ हजार मानिसहरुको प्रोस्टेट क्यान्सरका कारण मृत्यु हुने गरेको छ । ६१ बर्षीय चर्चित कलाकार स्टेफेन फ्राईले आफु प्रोस्टेट क्यान्सर मुक्त भएपछी यसको उपचार र अनुसन्धानमा ठुलो रकम सहयोग गर्दै आएका छन् ।
श्रोत : डेली मेल