काठमाडौं । विश्व फुटबलको सर्वोच्च निकाय फिफाले वर्ष पुरुष खेलाडीको अन्तिम तीनमा पर्ने खेलाडीको सुचि सार्वजनिक गरेको छ । जसमा लियोनल मेसी, रोबर्ट लेवान्डोस्की र क्रिस्टियानो रोनाल्डो मनोनयनमा पर्न सफल भएका छन् ।
यी तीन खेलाडीलाई सन् २०२० को वर्ष खेलाडीको रुपमा मनोनयन गरिएको फिफाले जनाएको छ। यसबाट एक जनाले अवार्ड प्राप्त गर्नेछन् । लेवान्डोस्कीले पछिल्लो सिजन बायर्न म्युनिखलाई युरोपको सर्वोत्कृष्ट क्लब बनाउन भूमिका खेलेका थिए ।
रोनाल्डोले गएको सिजन इटालियन क्लब युभेन्ट्सबाट लिग उपाधि जितेका थिए । गत सिजन लियोनल मेस्सीको नाममा कुनै पनि उपाधी आएन । तर, उनी फुटबलमा हरेक वर्ष आफ्नो तर्फबाट भने उत्कृष्ट प्रदर्शन दिन सफल भएका छन् । सोहीकारण यस पटक पनि मेसी सूचिमा अटाएका हुन् ।