काठमाडौं । फिल्म हल र रात्रिकालीन व्यवसाय अझै १५ दिन बन्द हुने भएका छन् । मानिसहरुको एकसाथ भेला हुने र भिडभाड हुने क्षेत्रलाई थप १५ दिन प्रतिवन्ध लगाइएको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा. जागेश्वर गौतमका अनुसार फिल्म हल र मानिसहरू धेरै जम्मा हुने व्यवसाय अझैं १५ दिन कडाइका साथ बन्द हुने भएका हुन् । त्यस्ता व्यवसाय थप १५ दिनको संक्रमणको अवस्था हेरेर मात्र आवश्यकताअनुसार पुनः सञ्चालनमा ल्याउने योजना छ ।
सभा, सम्मेलन, जुलुस र धर्नाजस्ता कार्यक्रम समेत यस अवधिमा गर्न पाइने छैन । उनका अनुसार मंसिरपछि कक्षा सञ्चालनमा ल्याउने विद्यालयहरूले कडाइका साथ जनस्वास्थ्यका मापदण्ड पालना गर्नुपर्ने भएको छ ।