पेरिस । कोरोना भाइरस नियन्त्रणका लागि भन्दै फ्रान्समा तेस्रो चरणको लकडाउन घोषणा भएको छ । फ्रान्सका राष्ट्रपति एमान्युल म्याक्रोंले देशव्यापी लकडाउन घोषणा गरेका छन् । यो एक महिना कायम रहने भएको छ । कोरोनाभाइरसको संक्रमण फेरि तीव्र रूपमा फैलिएको उनको भनाई छ ।
म्याक्रोंले बुधबार राष्ट्रिय टेलिभिजनबाट सम्बोधन गर्दै तेस्रो लकडाउनको घोषणा गरे । लकडाउन शनिबारदेखि लागु हुनेछ । फ्रान्सले लकडाउन घोषणा गर्नुअघि पनि विभिन्न प्रतिवन्ध कायमै राखेको थियो । तर, अब एक महिना भने नागरिकले लकडाउन बेहोर्नु पर्ने भएको हो । म्याक्रोंका अनुसार विद्यालय कम्तिमा तीन साता बन्द हुनेछन् । फ्रान्समा कोरोनाबाट प्रभावित मुलुकमध्ये अगाडी नै पर्छ । यहाँ १ लाख भन्दा बढीले ज्यान गुमाइसकेका छन् ।