बबरमहलमा स्कुटर दुर्घटना, एक जनाको मृत्यु

काठमाडौं । काठमाडौंको बबरमहलमा स्कुटर दुर्घटनामा परि एक जनाको मृत्यु भएको छ । प्रहरीका अनुसार गत राति पौने १२ बजे बा ६१ प ८९८८ नम्बरको स्कुटर अनियन्त्रित भएर पल्टिएको थियो । सो क्रममा चालक डडेलधुरा घर भइ काठमाण्डौको कोटेश्वर बस्ने २६ वर्षका केविन श्रेष्ठको ज्यान गएको हो । प्रहरीका अनुसार दुर्घटनामा गम्भीर घाइते भएका श्रेष्ठको वीर अस्पतालमा उपचारका क्रममा राति पौने २ बजे ज्यान गएको छ ।दुर्घटनाको कारण खुलेको छैन ।