काठमाडौं । त्रिभुवन अन्तर्राष्ट्रिय विमानस्थलको आन्तरिक उडान बुधबार एक घण्टा प्रभावित भयो । ९ः४५ बजे एक अपरिचित व्यक्तिको टेलिफोन आएपछि विमानस्थलमा त्रास फैलिएको हो । त्यसपछि विमानस्थल कार्यालयले सूचनाबारे सुरक्षा निकायलाई जानकारी गराएको थियो ।
विमानस्थलका महाप्रवन्धक प्रेमनाथ ठाकुरका अनुसार एक घण्टासम्म विमानस्थलको आन्तरिक टर्मिनल बन्द गरेर सर्च गरिएको थियो । सो क्रममा नेपाली सेनाको टोली खटिएको थियो । तर, सर्चबाट कुनै पनि वस्तु फेला नपरेपछि विमानस्थल सूचारु गरिएको हो । ठाकुरका अनुसार टेलिफोनमा टर्मिनल भित्र ८ वटा बम राखिएको भन्दै खबर आएको थियो ।