काठमाडौं । काठमाडौंको वसुन्धारामा गत राति भएको सवारी दुर्घटनामा एक जनाको मृत्यु भएको छ । राति पौने २ बजे बा २ ज ११९२ नम्बरको ट्याक्सी र बा ९१ प ५४०३ नम्बरको स्कुटर ठोक्किँदा स्कुटर चालक गोरखा घर भएका ३१ वर्षका राजु गरुङको ज्यान गएको प्रहरीले जनाएको छ ।
उनी महाराजगञ्ज वृत्तमा दरबन्दी भइ प्रहरी प्रभाग तिलिङ्गेटारमा प्रहरी कार्यालय सहयोगीको रुपमा कार्यरत रहेको बताइएको छ । दुर्घटनामा गम्भीर घाइते भएका उनको शिक्षण अस्पताल महाराजगञ्जमा उपचारका क्रममा ज्यान गएको हो । ट्याक्सी चालकलाई प्रहरीले पक्राउ गरेको छ ।