बाँके । सुर्खेतबाट धरानका लागि छूटेको यात्रुबाहक बस बाँकेको कोहलपुरमा दुर्घटनाग्रस्त भएको छ । प्रहरीका अनुसार मे १ ख ३३४७ नम्बरको बस बाँकेको कोहलपुर नगरपालिका–१३, रोहिणी खोला नजिकै विपरीत दिशाबाट आइरहेको टिपरसँग ठोक्किँदा दुर्घटनामा परेको थियो । ५ जनाको मृत्यु भएको र ४२ जना घाइते भएको खबर आएको छ ।
दुर्घटनामा एक जनाको घटनास्थलमै र अन्य ४ जनाको उपचारका लागि नेपालगञ्ज मेडिकल कलेज शिक्षण अस्पताल कोहलपुर पुर्याएलगत्तै मृत्यु भएको इलाका प्रहरी कार्यालय कोहलपुरले जनाएको छ । मृतकको सनाखत भइसकेको छैन । ४२ घाइतेको नेपालगञ्ज मेडिकल कलेज शिक्षण अस्पताल कोहलपुरमा उपचार जारी रहेको छ ।