हेटौडा । नेकपा (एकीकृत समाजवादी) का संसदीय दलका नेता राजेन्द्र पाण्डेले बागमती प्रदेशको मूख्यमन्त्रीमा दावी पेश गरेका छन्। बागमती प्रदेश प्रमुख यादवचन्द्र शर्माले बिहीबार अपरान्ह ३ बजेभित्र मुख्यमन्त्रीका लागि दावी पेश गर्न बुधबार आह्वान गरेलगत्तै पाण्डले विपक्षी गठबन्धनको तर्फबाट दावि पेश गरेका हुन् ।
पाण्डेलाई विपक्षी गठबन्धनले भावी मुख्यमन्त्रीमा अगाडि सारेका थिए। पाण्डेले नेपाली कांग्रेस, नेकपा माओवादी केन्द्र, नेकपा (एकीकृत समाजवादी) र जसपा सांसदसहित ५९ जनाको हस्ताक्षर पेश गर्दै मुख्यमन्त्री पदमा दावी गरेका हुन्। बागमतीमा बहुमत पुर्याउन ५५ सांसदको मत चाहिन्छ । नेकपा एमालेकी उपाध्यक्षसमेत रहेकी मुख्यमन्त्री अष्टलक्ष्मी शाक्यले आजै राजीनामा गर्दै मार्ग प्रशस्त गरेकी थिइन । उनको राजीनामा स्वीकृत गरेका प्रदेश प्रमुखले दुई वा दुईभन्दा बढी दलबाट मुख्यमन्त्रीका लागि दावी पेश गर्न आह्वान गरेका हुन् ।