१२ पुस, काठमाडौं । काठमाडौं महानगरपालिकाका मेयर बालेन शाह, ऊर्जा मन्त्री कुलमान घिसिङ र राष्ट्रिय स्वतन्त्र पार्टीबीच पार्टी एकताका लागि भएका सघन छलफलहरु निष्कर्षमा पुगेका छैनन् । शुक्रबार नै बालेन र रास्वपाबीच पार्टी एकता हुने गरी छलफल अगाडी बढेको भए पनि शनिबार समेत ठोस सहमति जुट्न सकेन । खासगरी कुलमान घिसिङ र उनको पार्टी व्यवस्थापनको कुरा नमिल्दा पार्टी एकता अन्यौलमा परेको बताइएको छ ।
बालेन र रास्वपा रवि लामिछानेबीच भने बालेनलाई प्रधानमन्त्रीको उम्मेदवारका रुपमा अगाडी सारेर जाने बारे सहमति जुटेको थियो । पार्टी सभापतिमा रवि नै रहने गरी सहमति जुटेको स्रोतहरुले बताएका छन् । तर, कुलमानलाई पनि सँगै लैजाने बालेनको प्रस्तावपछि पार्टी एकता अन्यौलमा पुगेको हो । आज पनि दिनभर जसो विभिन्न तहमा यसबारे छलफल भएको विवरण आएका छन् ।