बैतडी । बैतडीमा एक बुबाले आफ्नै २० वर्षिय छोरीको गोली हानेर हत्या गरेका छन् । नेपाली संचारमाध्यमहरुका अनुसार बैतडीको पुर्चौंडी नगरपालिका १० का ६५ वर्षीय धनबहादुर महराले आफ्नी २० वर्षीया छोरी बेलमती महरा धामीलाई भरुवा बन्दुकबाट गोली हानी हत्या गरेका हुन् ।
जिल्ला प्रहरी कार्यालय बैतडीका अनुसार घटनापछि स्थानीयले प्रहरीलाई खबर गरेका थिए । घटना शनिबार साँझ ५ बजेतिर भएको हो । प्रहरीका अनुसार श्रीमान–श्रीमतीको झगडामा छोरीले छुट्याउन खोज्दा विवाद भएपछि बुवाले गोली हानेको प्रारम्भिक जानकारी आएको छ । गोली हान्ने अभियुक्त भने फरार भएका छन् ।