भक्तपुरमा बस र मोटरसाइकल ठोक्किँदा एक जनाको मृत्यु

काठमाडौं । भक्तपुरको च्यामासिंमा बस र मोटरसाइकल ठोक्किएर भएको दुर्घटनामा एक जनाको मृत्यु भएको छ । एक जना घाइते भएका छन् । सोमबार बेलुका ८ बजे बा ३ ख ४७६५ नम्बरको बस र बा ६१ प ६६१८ नम्बरको मोटरसाइकल ठोक्किँदा मोटरसाइकलमा पछाडि बसेका दोलखाका ३४ वर्षिय देवेन्द्र कार्कीको मृत्यु भएको प्रहरीले जनाएको छ। मोटरसाइकलका चालक घाइते छन् । उनको मध्यपुर थिमि अस्पतालमा उपचार जारी छ । बस चालक पक्राउ परेका छन् ।