भक्तपुरमा मोटरसाइकल दुर्घटना, चालकको मृत्यु

भक्तपुर । भक्तपुरमा मोटरसाइकल दुर्घटनामा परि चालकको ज्यान गएको छ । प्रहरीका अनुसार जिल्लाको मध्यपुरठिमी नगरपालिका ४ चारदोबाटोमा मोटरसाइकल दुर्घटना हुँदा चालकको मृत्यु भएको हो । मंगलबार बिहान सवा चार बजे बागमती प्रदेश ०३ ०२७ प २३५३ नम्बरको मोटरसाइकल दुर्घटना हुँदा सिन्धुपाल्चोक घर भई भक्तपुरको लोकन्थली बस्ने २९ वर्षीय प्रदीप कार्कीको मृत्यु भएको हो । उनको उपचारको क्रममा मध्यपुरथिमि अस्पतालमा उपचारको क्रममा मृत्यु भएको हो । दुर्घटनाको कारण भने खुलेको छैन ।