काठमाडौं । भक्तपुरमा श्रीमतीमाथि रासायनिक पदार्थ प्रहार भएको छ । यो पदार्थ तेजाव हो वा अन्य वस्तु भन्ने खुलेको छैन । प्रहरीले एक जनालाई पक्राउ गरेको छ। आइतबार राति पौने ७ बजे सूर्यविनायक नगरपालिका ४, दधिकोट चित्रपुरमा श्रीमतीमाथि केमिकल प्रहार गरिएको महानगरीय प्रहरी परिसर भक्तपुरले जनाएको छ ।
पक्राउ पर्नेमा ६५ वर्षीय श्रीमान श्याम गुभाजु छन् । उनले ६० वर्षीय श्रीमती पूजामाथि केमिकल प्रहार गरेको बताइएको छ । श्यामले घरायसी विवादका कारणले श्रीमतीमाथि कुटपिट गरी रसायन प्रहार गरेको बताइएको छ । पूजाको कीर्तिपुर अस्पतालमा उपचार जारी छ । उनको अवस्था खतरामुक्त रहेको बताइएको छ ।