नयाँ दिल्ली । भारतको राजधानी नयाँ दिल्लीमा विशाक्त हावासहितको प्रदुषणका कारण लकडाउन गर्नु पर्ने अवस्था आएको छ । त्यहाँका मूख्यमन्त्री अरविन्द केजरीवालले एक साताका लागि सबै प्रकारका स्कुल बन्द गर्ने घोषणा गरेका छन् । भारतीय संचारमाध्यमले यहाँ प्रदुषणका कारण लकडाउन गर्नुपर्ने अवस्था आएको बताएका छन् । आइतबार प्रदूषणको स्तर निकै खराब श्रेणीमा रहेको बताइएको छ ।
आज आइतबार दिल्लीको प्रदुषण मापक सूचक एर क्लालिटी इन्डेक्स (एक्यूआई) ३८६ रहेको छ , जसलाई निकै खराब अवस्था मानिन्छ । प्रदुषण र तिहारका बेला पड्काइएका पतकाका कारण यहाँको हावा विशाक्त बनेको हो । मूख्यमन्त्री केजीवालले सबै सरकारी कर्मचारीलाई समेत वर्क फ्रम होमको अवधारणामा काम गर्न भनेका छन् । दिल्लीमा निर्माणसँग सम्बन्धित सबै काम रोकिएको छ ।