नयाँ दिल्ली । नेपाली सेनाका सेनापति महारथी प्रभुराम शर्मा र भारतीय सेनाध्यक्ष जनरल मनोज मुकुन्द नरवणेबीच मंगलबार नयाँ दिल्लीमा भेटवार्ता भएको छ । औपचारिक भ्रमणका सिलसिलामा शर्मा मंगलबार नेपाली सेनाको जहाजबाट नयाँ दिल्ली पुगेका हुन् । नेपाली सेनाको जनसम्पर्क तथा सूचना निर्देशनालयका अनुसार दुई सेनापतिबीच आपसी हित र पारस्परिक सम्बन्धका विषयमा द्विपक्षीय छलफल भएको छ ।
छलफलपछि भारतको सुरक्षा दृष्टिकोणको बारेमा प्रस्तुतीकरण समेत दिइएको थियो। त्यसअघि प्रधानसेनापति शर्माले राष्ट्रिय समर स्मारकमा वीर शहिदहरूको सम्मानमा पुष्पगुच्छा अर्पण गरेका थिए। उनलाई भारतीय सेनाको एक टुकडीले सम्मान गारत अर्पण गरेको समेत सेनाले जनाएको छ ।