नयाँ दिल्ली । भारतमा कोरोना भाइरसको संक्रमणले पुनः विष्फोटक रुपम लिएको छ । पछिल्लो २४ घण्टामा मात्र २२ हजार ७७५ जनामा कोरोना पुष्टी भएको त्यहाँको स्वास्थ्य मन्त्रालयको आंकडा रहेको छ । भारतमा बढेको संक्रमणले जोखिम भने नेपालमा समेत बढाएको छ । किनकी नेपाल र भारतबीच अहिले निर्वाध आवतजावत भइरहेको छ ।
पछिल्लो २४ घण्टामा भारतमा कोरोनाका कारण ४०६ जनाको मृत्यु भएको छ । पछिल्लो समय बढेको संक्रमणमा ओमिक्रोनको संक्रमण धेरैमा देखिएको आंकडा छ । यद्दपी मृत्यु हुनेमा यसको असर कति छ भन्ने तथ्यांक आइसकेको छैन । भारतमा अहिले एक्टिभ केश १ लाखको आंकडा भन्दा माथि छ । अहिलेसम्म यहाँ ४ लाख ८१ हजार ५ सय जनाको मृत्यु भइसकेको छ । भारतले १ अर्ब ४५ करोड डोज खोप वितरण गरिसकेको छ ।