नयाँ दिल्ली । परम्परागत राजनीतिक शक्तिलाई चूनौति दिँदै वैकल्पिक शक्तिका रुपमा उदाए्का अरविन्द केजरीवालले आफ्नो शक्तिलाई अझ मजवुत बनाउन सफल भएका छन् । भारतको राजधानी शहर नयाँ दिल्ली राज्यमा लगातार दुई कार्यकाल मूख्यमन्त्री पद सम्हालिरहेका उनले आफ्नो पार्टीलाई पंजाव राज्यमा समेत ऐतिहासिक जित दिलाएका छन् ।
कुल ११७ सीट रहेको यो राज्यमा आम आदमी एक्लैले ९२ पदमा जित निकालेको छ । जुन दुई तिहाई बहुमत हो । सोहीकारण पूर्वघोषित उमेदवारका रुपमा भगवंत मान यो प्रदेशका मूख्यमन्त्री बन्ने निश्चित भएको छ । उनले राज्यपालसँग आज आफ्नो सरकारको दावा पेश गर्नेछन् । त्यसपछि राज्यपालले उनलाई मूख्यमन्त्री पदमा नियुक्ति दिने भएका छन् ।
भारतीय संचारमाध्यमहरुका अनुसार आइतबार अरविन्द केजरीवालसमेतको सहभागितामा आमआदमी पार्टीले पञ्जावमा विशाल विजयी ¥याली गर्ने भएको छ । त्यसपछि भगवंतले मूख्यमन्त्री पदको सपथ लिनेछन् । पञ्जाव कांग्रेसको गढ हो । तर, आमआदमको झाडुले यस पटक राष्ट्रिय पार्टीहरु नराम्रोसँग बढारिएका छन् । जसले गर्दा कांग्रेस भित्रै आन्तरिक कलह चुलिएको छ । यस पटक आम आदम पार्टीले गोवामा समेत दुई सिटमा जित निकाल्दै आफ्नो उपस्थिति देखाएका छ ।
राजनीतिक गुरुहरुले अरविन्दको यही क्रेज कायम रहेमा केही वर्ष भित्रै उनी राष्ट्रिय दलको मान्यतासहित शक्तिशाली बन्ने संकेत गरेका छन् । उनले खासगरि जनजिविकालाई आफ्नो शासनकालको मूख्य हतियार बनाइरहेका छन् । यसमा जनतालाई विजुली, पानी निशुल्क गर्नेदेखि शिक्षा र स्वास्थ्यको क्षेत्रमो उनले क्रान्ती नै ल्याएका छन् ।