नयाँ दिल्ली । भारतले पछिल्ला दिनमा चिनियाँ एप्स धमाधम बन्द गराइरहेको छ । सोहीक्रममा थप ४३ वटा एप्समा प्रतिवन्ध लागेको छ । प्रतिवन्ध लाग्ने एप्सहरु अधिकांश चिनियाँ छन् । भारतीय सूचना प्रविधि मन्त्रालयका अनुसार प्रतिबन्धित एप्सहरूले भारतको सार्वभौमसत्ता र अक्षुण्णतालाई चुनौती दिएको छ ।
चीनको बहुराष्ट्रिय कम्पनी अलिबाबा ग्रुपसँग सम्बन्धित चारवटा एप्स समेत यसै चरणमा प्रतिवन्ध लगाइएको छ । अलि एक्सप्रेस, क्याम कार्ड तथा ताओवाओ लाइभ समेत प्रतिबन्धमा परेका छन् ।
भारत सरकारले यसअघि भिडियो सेयरिङ एप टिकटक र मोबाइल खेल पब्जीमा समेत प्रतिवन्ध लगाइसकेको छ । भारतमा यी दुई एप्सका प्रयोगकर्ता करोडौंको संख्यामा थिए ।
भारत सरकारले चिनियाँ मोबाइल एप्सबाट भारतीय प्रयोगकर्ताका गोप्य विवरण चीन पुगिरहेको आरोप लगाउने गरेको छ ।