नयाँ दिल्ली । कोरोनाभाइरस विरूद्धको बुस्टर डोजको माग आउन छाडेसँगै कम्पनीहरुले उत्पादन गरेको खोप नास हुन थालेको छ । भारतीय सञ्चारमाध्यमहरुका अनुसार भारतमा १० करोड डोज खोप नष्ट गरिएको छ। संसारकै ठूलो खोप उत्पादक कम्पनी सेरम इन्स्टिच्युट अफ इन्डियाले बजारमा माग नभएपछि आफ्नो कम्पनीले उत्पादन गरेको झन्डै १० करोड डोज खोप नष्ट गरिएको जानकारी गराएको हो ।
टाइम्स अफ इन्डियाले लेखे अनुसार पुनेमा जारी विकासशील देशका खोप उत्पादकको सञ्जालको वार्षिक सम्मेलनमा यस्तो जानकारी गराइएको हो । गत डिसेम्बरदेखि यो कम्पनीले कोभिसिल्ड नामको खोपको उत्पादन नै बन्द गरेको छ । ओमिक्रोन भेरियन्ट विरूद्धको खोप बनाउन अमेरिकाको नोभाभ्याक्ससँग सेरमले सहकार्य गरिरहेको छ ।